एजेन्सी
साउथका सुपरस्टार रजनीकान्तको आउँदै गरेको फिल्म ‘काला’को रिलिज मिति नजिकिएसँगै दर्शकमा उत्सुकता झन् बढेको छ ।
रजनीकान्तको फिल्म ‘काला’लाई लिएर दर्शकको उत्साह यति धेरै बढेको छ कि केरला राज्यको एक निजी कम्पनीले फिल्मको रिलिज मितिको दिन बिदा नै घोषणा गरेको छ ।
फिल्म ‘काला’ ७ जुन मा प्रदर्शन भैरहेको छ । भारतीय मिडियाका अनुसार केरलाको एक अैटी कम्पनीले रजनीकान्तको सम्मानका लागि ७ जुनमा बिदा घोषणा गरेको हो ।
कम्पनीले वक्तव्य नै जारी गरेर बिदाको घोषणा गरेको छ । ‘काला’मा रजनीकान्त मुम्बैइ धारावीको एक ग्यांगस्टारको भूमिकामा देखिँदै छन् ।
यस फिल्ममा हुमा कुरेसी, नाना पाटेकर र अञ्जली पाटिल पनि मुख्य भूमिकामा छन् ।