आज का (अाईतबार) पत्र-पत्रीका हरु का मुख्य समाचार हरु जस्ता को त्यस्तै (As Published in Todays News Papers)

नेता नेपाललाई लक्षित गर्दै ओलीले भने- ‘म नहुँदा त्यत्रो छटपटी ?’

पाँच महिना बित्यो तर समातिएनन् बलात्कार आरोपी वडाध्यक्ष

दसैंमा घर पोत्ने माटो खन्दा ढिस्कोमा पुरिएर एकै घरका तीनको मृत्यु

तुलसीपुर : दाङमा माटोको ढिस्कोले पुर्दा एकै परिवारका तीन जनाको ज्यान गएको छ। दसैंका लागि भनेर घर पोत्ने माटो लिन गएका राप्ती गाउँपालिका ४ मौरीघाटका तीन जनाको माटो खनिरहेको अवस्थामा माथिबाट खसेको ढिस्कोले पुर्दा ज्यान गएको दाङ प्रहरीले जनाएको छ।

राप्ती गाउँपालिका ४ मौरीघाटका शिउचरण चौधरीका तीन जना परिवारको शनिवार मृत्यु भएको हो। शिउचरणकी ३० वर्षकी छोरी श्यामा चौधरी, २५ वर्षकी भाइ-बुहारी निनाकुमारी चौधरी र १२ वर्षिय नातिनी रोजिना चौधरीको मृत्यु भएको जिल्ला प्रहरी कार्यालय दाङका डीएसपी एवं प्रवक्ता रामप्रसाद घर्तीले जानकारी दिए।

परिवारका तीन सदस्यको मृत्युले चौधरी परिवार विक्षिप्त भएको छ भने गाउँ शोकमा डुबेको छ। शनिबार बिहान घर नजिकै रहेको दोलइ खोलामा घर पोत्नका लागि एकै घरमा आमाजु–बुहारी र भतिजी माटो लिन गएका थिए। दिउँसो अबेरसम्ममा पनि तीनै जना घर नफर्केपछि चौधरी परिवारले खोजी गर्दा दोलैखोलाको मटिखन्नीमा पुरिएको अवस्थामा फेला परेको र मृत अवस्थामा उनीहरूलाई निकालिएको स्थानीय हरिनारायण चौधरीले बताए।

चौधरीका अनुसार दसैंका लागि घर लिप्न प्रयोग गर्ने कमेरो माटोको खानी त्यहाँ भएको र स्थानीय ४०/४५ घरले त्यहाँको माटो प्रयोग गर्दै आएका थिए।

उनीहरू पनि माटो लिन गएको बेला ढिस्कोले पुरिएको हरिनारयणले बताए। गाउँलेहरूले झण्डै ४ मिटर गहिरो खाल्डोबाट माटो निकाल्दै आइरहेका थिए। शनिबार त्यहीँबाट माटो निकाल्दै गर्दा माथिबाट ढिस्को खसेर उनीहरूलाई पुरेको उनने बताए।

पहिले पनि त्यही स्थानमा माटोकै ढिस्कोले एक जनालाई पुरेको थियो। त्यो घटना भइसकेपछि स्थानीयतहले माटो निकाल्न बन्द गराएको भए पनि लुकीछिपी स्थानीयहरूले माटो निकाल्दै आएको राप्ती गाउँपालिका वडा ४ का वडा अध्यक्ष विष्णुबहादुर जिसीले बताए। ‘घटना दुखद् भएको छ’, उनले भने, ‘विगतमा पनि यस्तै घटना भएकाले माटो खन्न कडाई गरेका थियौँ, स्थानीयले नमानेरै खनिरहेको बेला फेरि दुखद् घटना दोहरिएको छ।’

जिसीले ४ वर्ष अघि पनि त्यही स्थानमा एकजना माटो खन्दै गर्दा पुरिएको बताए। यो क्षेत्रमा पटकपटक यस्तो दोहरिरहने गरेको स्थानीयहरूले बताएका छन्।

माटोको ढिस्को खसेको स्थान। यहाँ पुरिएर एकै घरका तीन जनाले शनिबार ज्यान गुमाएका छन्। …….( भनेर आज को अन्नपुर्न पोस्ट् मा लेखिएको छ। / published in Todays Annapurna Post )

सहकारीको रकम लुटपाटमा संलग्न सात पक्राउ

राष्ट्रसंघीय महासभामा प्रधानमन्त्रीको सम्बोधन : शान्तिप्रक्रियाको अनुभव बाँड्छौँ

प्रधानमन्त्री केपी ओलीले ‘बुद्ध र सगरमाथा’को देश नेपालले घरेलु पहलकदमीबाट शान्तिप्रक्रिया सफल बनाएको उदाहरण विश्वले सिक्न सक्ने बताएका छन् । संयुक्त राष्ट्रसंघको ७३औँ महासभाको बैठकलाई नेपाली समयअनुसार बिहीबार राति सम्बोधन गर्दै प्रधानमन्त्री ओलीले शान्तिप्रक्रियाको सफलताको अनुभव बाँड्न नेपाल तयार रहेको पनि स्पष्ट पारे ।

‘हामी विश्वास गर्छौँ कि नेपालले द्वन्द्वको रूपान्तरण गरेको उदाहरण संसारका विभिन्न भागमा शान्तिका लागि सफल उदाहरण बन्न सक्छ,’ ओलीले भने, ‘यससम्बन्धी हाम्रो अनुभव बाँड्न हामी भविष्यमा तत्पर रहनेछौँ । शान्तिप्रक्रियामार्फत सशस्त्र द्वन्द्वको शान्तिपूर्ण समाधान भएको र विविधतामा एकता कायम गर्दै राज्यको पुनर्संरचना गरिएको तथा नेपाली जनता वास्तविक रूपमा राज्यसत्ताको मालिक बनेको उल्लेख गरेका छन् ।

शान्तिप्रक्रिया सम्पन्न भएसँगै नयाँ संविधान कार्यान्वयनपछि महासभामा सम्बोधन गर्ने ओली पहिलो नेपाली उच्चस्तरीय नेता हुन् । मानवअधिकार परिषद्को सदस्यका रूपमा नेपालले म्यान्डेटअनुसार भूमिका निर्वाह गर्ने ओलीको भनाइ थियो । नेपालमा जारी संक्रमणकालीन न्याय प्रक्रियाले विस्तृत शान्तिसम्झौता तथा दिगो शान्ति अनि न्यायको धरातलीय यथार्थलाई सम्मान गरेको पनि उनले बताए । ‘मानवअधिकार तथा मानवीय कानुन उल्लंघनमा हामी दण्डहीनता संरक्षण गर्नेछैनौँ ।’

नेपालको संविधानले संघीय गणतान्त्रिक व्यवस्थाअन्तर्गत लोकतान्त्रिक परिपाटीलाई मजबुत बनाएको तथा जनताको स्वतन्त्रता र अधिकारको पनि प्रत्याभूति गरेको ओलीको भनाइ थियो । उनले समावेशी तथा समावेशी प्रतिनिधित्वसहितको संविधानले शक्ति पृथकीकरण, नियन्त्रण र सन्तुलन, न्यायालयको स्वतन्त्रता सुनिश्चित गरेको पनि बताए । ओलीले निर्वाचनबाट ४१ प्रतिशत महिला निर्वाचित भएको र बाँकी ९ प्रतिशत सुनिश्चित हुने पनि ओलीको दाबी थियो । सम्बोधनअघि प्रधानमन्त्रीले संयुक्त राष्ट्रसंघीय महासचिव एन्टोनियो गुटेसेससँग द्विपक्षीय भेटवार्ता गरेका थिए ।…….. ( भनेर आज को नया पत्रिका मा लेखिएको छ।/ published in Todays Naya Patrika)