३८ क्विन्टल सुन कान्डका आरोपि दुबैइमा पक्राउ

समाचार

 

काठमान्डौ

३८ क्विन्टल सुन तस्करी तथा सनम शाक्य हत्या मुद्दाका एक मुख्य अभियुक्त बेनु श्रेष्ठलाई नेपाल प्रहरीले संयुक्त अरब इमिरेट्स (युएई) बाट पक्रेर नेपाल ल्याएको छ । श्रेष्ठलाई अाईतबार नेपाल ल्याइेको हो ।

अन्तर्‍ाष्ट्रिय प्रहरी अपराध संगठन (इन्टरपोल)ले रेड नोटिस जारी गरेका श्रेष्ठलाई लामो प्रयासपछि पक्राउ गरेर ल्याउन प्रहरी सफल भएको हो । श्रेष्ठलाई जिल्ला प्रहरी कार्यालय मोरङमा पठाइने केन्द्रीय प्रहरी प्रवक्ता डिअाइजी शैलेश थापा क्षेत्रीले बताए ।

उनीविरुद्ध गत वैशाखमा फरार अभियुक्तका रूपमा मुद्दा दायर गरिएको थियो । श्रेष्ठ युएईको दुबैइ सहरमा बसेर सुन तथा हुन्डीको कारोबारमा संलग्न व्यक्ति हुन् । दुबैइबाट उनले नेपालमा सुन पठाउने काम गर्थे ।

इन्टरपोलले रेड नोटिस जारी गरेपछि युएईको प्रहरीले उनलाई पक्राउ गरी तारेखमा छाडेको थियो । अाईतबार  नेपाल निष्कासन गरेकोमा विमानस्थलमा प्रहरीले उनलाई पक्राउ गरेको हो । दुई देशबीच सुपुर्दगी सन्धि नभएकाले निष्कासन प्रक्रियामार्फत युएईले नेपाल प्रहरीलाई हस्तान्तरण गरेको हो ।

पक्राउ परेका श्रेष्ठका व्यावसायिक साझेदार तथा सुन तस्करीका मुख्य नाइके चूडामणि उप्रेती ‘गोरे’का भाइ रमेश उप्रेतीलाई पनि नेपाल ल्याउने प्रक्रिया अघि बढाइेको प्रहरीले जनाएको छ । उप्रेती पनि दुबैइमा पक्राउ परिसकेका छन् । निष्कासनका लागि त्यहाँको मन्त्रालयबाट निर्णय भैसकेको छैन । उनी तीन महिनाअघि नै पक्राउ परेका थिए ।

ईश्वरराज पौडेल नेतृत्वको छानबिन टोलीको अनुसन्धानमा उप्रेती र श्रेष्ठ लामो समयदेखि दुबैइमा बसेर सुन, हुन्डी र डलरको अवैध कारोबार गर्ने गरेको खुलेको थियो ।


Leave a Reply

Your email address will not be published. Required fields are marked *