एजेन्सि
लिसेस्टर सिटीका प्रमुखसहित पाँच जनाको हेलिकोप्टर दुर्घटनामा मृत्यु भएको छ । उनको आफ्नै हेलिकोप्टर लिसेस्टर सिटीको स्टेडियम बाहिर शनिबार दुर्घटना भएको थियो ।
दुर्घटनामा लिसेस्टर सिटीका प्रमुख ६० वर्षीय भिचाई श्रीवद्धनप्रभा, उनका दुई कर्मचारी, एक जना पाइलट र एक जना यात्रुको मृत्यु भएको क्लबले पुष्टि गरेको छ ।
हेलिकोप्टर दुर्घटनाको कारण खुलेको छैन । तर पाइलट स्वाफर निकै अनुभवी थिए । उनीसँग निजी जेट र पाइलटको रुपमा २० वर्षको अनुभव थियो ।
भिचाई श्रीवद्धनप्रभा थाइल्याण्डका अर्बपति नागरिक हुन् । उनले सन् २०१० मा ३९ मिलियन पाउन्डमा लिसेस्टर सिटी क्लब किनेका थिए । लिसेस्टर सिटीले सन् २०१६ मा प्रिमियर लीग जितेको थियो । क्लबले एक शोक विज्ञप्ति निकालेर भिचाईको निधनले अपुरणीय क्षति पुगेको जनाएको छ ।