काठमाडौं
पूर्व राजा ज्ञानेन्द्र शाहको निजी काममा प्रयोग भएको गाडीले ठक्कर दिँदा मोरङमा एक जनाको मृत्यु भएको छ भने अर्का एक जना घाइते भएका छन्। बिहीबार बिहान पूर्वराजा ज्ञानेन्द्र शाहको सामान विराटनगर विमानस्थल पुर्याएर फर्किएको बा ३ च ७९६२ नम्बरको गाडीले को १५ प ९९७९ नम्बरको मोटरसाइकललाई सुन्दरहरैचा नगरपालिका–४ बुधबारे चोकस्थित सडकमा ठक्कर दिएको थियो।
कारको ठक्करबाट मोटरसाइकल चालक ईटहरी उप–महानगरपालिका ८ बस्ने वर्ष २२ को प्रकाश चौधरी र मोटरसाइकलको पछाडी सवार वर्ष २२ को हेम चौधरी गम्भीर घाइते भएका थिए । घाइते हेमको उपचारको उपचारको क्रममा नोबेल अस्पतालमा मृत्यु भएको इलाका प्रहरी कार्यालय बेलवारीले जनाएको छ ।
प्रकाश चौधरीको भने सोही अस्पतालमा उपचार भैरहेको छ । ठक्कर दिने गाडी सशस्त्र प्रहरी बलका जवान दीपेन्द्रप्रसाद लम्सालले चलाएका थिए । उनी अहिले प्रहरी नियन्त्रणमा छन् ।