‘विप्लव’ समूहको बन्दले उपत्यकामा अंशिक असर

समाचार
शेयर गर्नु होला

काठमाडैं

नेत्रवित्रम चन्द ‘विप्लव’ समूहको बन्दका कारण साेमबार उपत्यकामा अंशिक असर पारेको छ। प्रहरी प्रधान कार्यालयका अनुसार आइतबार काठमाडौँमा भएको बम विष्फोटनले उत्पन्न त्रासका कारण आज उपत्यकामा साविक झैं सार्वजनिक गाडी नचलेका हुन्। निजी गाडी भने सञ्चालनमा छ। उपत्यका बाहिर भने केही बढी असर परेको प्रहरीले जनाएको छ।

विभिन्न जिल्लामा बसमा आगजनी गराइेको पाइेको र यस क्रममा विभिन्न क्षेत्रबाट पाँच जनालाई नियन्त्रणमा लीएको प्रहरी प्रवक्ता विश्वराज पोखरेलले जानकारी दिए। यसाघि आइतबार साँझ प्रहरीले सात जनालाई नियन्त्रणमा लिएको थियो।

प्रवक्ता पोखरेलले विभिन्न जिल्लामा नक्कली बम राखेर त्रास फैलाउने काम भएको बताए। रामेछाप, हेटौँडा, सुर्खेत, नवलपुरलगायत क्षेत्रमा केही गाडीमा आगजनी भएको प्रहरीले जनाएको छ। बन्दमा उपत्यकालगायत देशभरको सुरक्षा व्यवस्था कडा पारिएको छ।

राजमार्गमा सवारी साधनलाई ‘स्कटिङ’को व्यवस्था गरिएको प्रहरीले जनाएको छ। बन्दका कारण उपत्यका भित्रिने र बाहिरिने गाडीसमेत सञ्चालन नभएको काठमाडौँस्थित महानगरीय प्रहरी कार्यालयका प्रवक्ता श्यामलाल ज्ञवालीले जानकारी दिए। उपत्यकाका तीनै जिल्लामा बन्दको अंशिक असर परेको उनको भनाइ थियो।

आइतबार विप्लव समूहका सदस्यले बम बनाउने क्रममा काठमाडौँको घट्टेकुलो, सुकेधारा र थानकोटमा विष्फोट हुँदा सो समूहका चार जनाको मृत्यु भएको थियो। घटनामा सात घाइते भएका थिए । घाइतेको अहिले विभिन्न अस्पतालमा उपचार भैरहेको छ। घटनामा परेकामध्ये अधिकांश विप्लव समूहका कार्यकर्ता रहेको प्रहरीले जनाएको छ। रासस


शेयर गर्नु होला

Leave a Reply

Your email address will not be published. Required fields are marked *