विपक्षी उग्रवादी समूहद्वारा बोको हरामका नेताको मृत्यु भएको घोषणा

अन्तर्राष्ट्रिय
शेयर गर्नु होला
  •  
  •  
  •  
  •  
  •  
  •  

बिबीसी – नाइजिरियाको उग्रवादी समूह बोको हरामका नेता अबुबकार सेकाउले आफ्नो ज्यान आफैँ लिएको एुटा विपक्षी लडाकू समूहले एुटा अडिओ रेकर्डिङमा बताएको छ।

समाचार संस्थाहरूले प्राप्त गरेको उक्त अडिओ रेकर्डिङमा दुईवटा समूहबीचको लडाइँपछि सेकाउले आफैँलाई विस्फोटन गराएको इस्लामिक स्टेट वेस्ट अफ्रिका प्रोभिन्स (आइएसडब्लुएपी)ले जनाएको छ। सेकाउ अघिल्लो महिना पनि मारिएका विवरण आएका थिए। त्यसाघि पनि उनको मृत्यु भएको समाचारहरूमा जनाइेको थियो। बोको हराम वा नाइजिरियाको सरकार कसैले पनि उनको मृत्युलाई पुष्टि गरेका छैनन।

मिति उल्लेख नगरिएको अडिओ रेकर्डिङमा अैएसडब्लूएपीका नेता अबु मुसाब अल-बरनावीले सेकाउले ‘आफैँलाई विस्फोटन गराएर आफ्नो ज्यान लिएको’ बताएका छन्। “भगवानले उनलाई स्वर्ग पठाएर उनीमाथि न्याय गरेका छन्,” एेफपी समाचार संस्थाबाट प्राप्त अडियो ट्रान्सक्रिप्टमा उल्लेख छ। अघिल्लो महिना भिडन्तमा सेकाउको मृत्यु भएको खबरहरू आएपछि नाइजिरीयाली सेनाले आफूले उक्त विषयमा अनुसन्धान गर्ने बताएको थियो।

सेनाका प्रवक्ता ब्रिगेडियर जेनेरल मोहमद येरियाले बीबीसीसँग के भएको थियो भन्नेबारे अनुसन्धान भैरहेपनि ठोस प्रमाण बिना वक्तव्य सार्वजनिक नगर्ने बताए। सुरक्षा निकायसँग निकट सम्बन्ध भएका एकजना पत्रकारले आइएसडब्लूएपीले उत्तर पूर्वी नाइजिरियाको साम्बिसास्थित जंगलमा रहेका बोको हरामका अखडाहरूमा हमला गर्दा सेकाउ मारिएको बताए।

यसअघि पनि उनी मारिएको खबर आउने गर्थ्यो र कैयौँ पटक उनी पुनः देखा परेका थिए। सन् २००९ मा बोको हरामका संस्थापक आफ्ना पिता मोहमद युसुफलाई प्रहरीले मारिदिएपछि उनले उक्त समूहको नेतृत्व गरेका थिए। त्यसयता उत्तर पूर्वी नाइजिरियाको द्वन्द्वमा ४० हजारभन्दा बढीले ज्यान गुमाएका छन् र २० लाखभन्दा बढी विस्थापित भएका छन।

पछिल्लो दशकमा उक्त क्षेत्रका अधिकांश हिस्सामा बोको हराम लडाकूहरू सक्रिय छन। सन २०१४ मा बोर्नो राज्यको एुटा विद्यालयबाट बोको हराम समूहले सयौँ छात्राहरूको अपहरण गरेको थियो त्यसमध्ये कैयौँ अझै बेपत्ता छन्। अर्को उत्तर पूर्वी राज्य योबेबाट विद्यार्थीहरूको त्यस्तै किसिमको अपहरण सन् २०१८ मा गरिएको थियो। आइएसडब्लूएपी बोको हरामबाट सन् २०१६ मा अलग भएको थियो।


शेयर गर्नु होला
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *