पार्टीमा क्रान्तिकारी रुपान्तरण आवश्यक छ – प्रचण्ड

Breaking News समाचार
शेयर गर्नु होला

काठमाडौ – नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले पार्टी नेतृत्व क्रान्तिकारी रुपान्तरणका लागि तयार हुनुपर्ने बताएका छन। शनिबार माओवादी केन्द्र पालिका सम्मेलनको भर्चुअल उद्घाटन गर्दै अध्यक्ष प्रचण्डले यस्तो बताएका हुन ।

उनले वर्ग संघर्षबाट प्राप्त सफलता र पार्टीभित्रको विचार विकास र परिमार्जनका निम्ति केन्द्रीय कमिटीको निर्देशन अनुशरण गर्नुपर्नेमा जोड दिए। ‘बाह्यि वर्ग संघर्षमा प्राप्त सफलता, पार्टीभित्र विचारको विकास र परिमार्जनका निम्ति केन्द्रीय कमिटीले दिएको दिर्नेशनलाई हामीले अनुशरण गर्नुपर्छ’, प्रचण्डले भने, ‘केन्द्रीय नेतृत्वले क्रान्तिकारी रुपान्तरणका लागि आफूलाई तयार पार्नुपर्छ । हामी यसमा लागि परेका छौँ ।’

समाजवादी क्रान्ति आज पनि आवश्यक भएको उनको भनाइ छ । माओवादीले २१ औँ शताब्दीमा समाजवादको नयाँ मोडेल विकास गर्न लागेको प्रचण्डले उल्लेख गरेका छन । यस विषयमा केन्द्रीय कमिटीबाट निर्देशन भएको उनले स्पष्ट पारे । ‘समाजवादी क्रान्ति सफल पार्नु माओवादीको आजको आवश्यकता हो’, प्रचण्डले भने, ‘हामीले २१ औँ शताब्दीमा समाजवादको नयाँ मोडेल विकास गर्न लागेका छौँ।

केन्द्रीय समितिले यसको स्पष्ट दिशानिर्देश गरेको छ ।’ प्रचण्डले उद्घाटन समारोहलाई सम्बोधन गर्दै अन्तर्‍ाष्ट्रिय अभ्यास र नेपालकै इतिहास अध्ययन गरेर पार्टीको आगामी कार्ययोजना बनाउन लागेकोसमेत उल्लेख गर्नुभएको छ ।

उहाँले माओवादीलाई निस्कृय हुने छुट नभएको भन्दै क्रान्तिकार विरासतको रक्षा गर्नुपर्नेमा जोड दिए । ‘हामीलाई निस्कृय हुने छुट छैन । क्रान्तिकारी विरासतको रक्षाका निम्ति अगाडि बढ्नु आवश्यक छ’, उनले भने, ‘प्रतिगामीका षड्यन्त्रलाई हामीले चुनौती दिनैपर्छ । यो उपलब्धि हाम्रो हो भनेर चुनौती दिन सक्नुपर्छ ।’


शेयर गर्नु होला

Leave a Reply

Your email address will not be published. Required fields are marked *