निर्वाचन परिणाम जे आए पनि स्वीकार्छु, तर केन्द्रीय सदस्यमा बस्दिनँ: नेता रावल

राजनीति
शेयर गर्नु होला

नेकपा (एमाले)को अध्यक्षमा उम्मेदवारी दिएका नेता डा।भीम रावलले निर्वाचन परिणाम स्वीकार्ने बताएका छन्। चितवनमा जारी एमालेको दशौँ महाधिवेशनमा मङ्गलबार बिहान मतदान गरेपछि रावलले निर्वाचन परिणाम स्वीकार्ने बताएका हुन्।

निर्वाचन परिणाम जे आए पनि स्वीकार्ने तर केन्द्रीय सदस्य भने नबस्ने नेता रावलको भनाइ थियो। रावल एमाले अध्यक्ष केपी शर्मा ओलीसँग अध्यक्ष पदका लागि प्रतिस्पर्धामा छन्। प्रतिस्पर्धामा पराजित भए आफू केन्द्रीय समितिमा नरहने उनले घोषणा गरेका छन्।

अध्यक्ष ओलीले सोमबार मध्यराति सर्वसम्मतिका लागि भन्दै सार्वजनिक गरेको ३०१ जनाको सूचीमा रावलको नाम केन्द्रीय सदस्यमा राखिएको थियो। उहाँले विद्युतीय भोटिङ मेसिनमा आफ्नो नाम रहेको भन्दै त्यसमा आफ्नो उम्मेदवारी नरहेको प्रष्ट पारे।

एमाले पदाधिकारीका उम्मेदवारलाई स्वतः केन्द्रीय कमिटीको उम्मेदवारका रुपमा राखिएको छ। रावलले आफूले अध्यक्ष पदका लागि मात्र फारम भरेको स्पष्ट पारे। रावलले देश, जनता र लोकतन्त्रको हितमा निरन्तर काम गरिरहने बताए। बिहान ४ बजेदेखि सुरु भएको मतदान जारी छ। रासस


शेयर गर्नु होला

Leave a Reply

Your email address will not be published. Required fields are marked *